🇮🇷 ایران د اسرائیل د ټاکنو او د امریکا د تورونو په اړه غبرګون وښود د ایران د بهرنیو چارو وزارت ویاند اسماعیل بقایي ویلي، تهران ته دا مهمه نه ده چې په اسرائیل کې به څوک واک ته ورسېږي. نوموړي د اسرائیلو سیاستوال داسې کسان بللي چې د جرمونو د شمېر په زیاتولو کې له یو بل سره سیالي کوي. د ایران د بهرنیو چارو وزارت د څرګندونو مهم ټکي: 🔹 هستهيي وسلې: ایران هېڅکله هستهيي وسلې نه دي لرلې او نه یې د جوړولو هڅه کړې ده. تهران پر امریکا نیوکه کړې چې ایران تورنوي، په داسې حال کې چې واشنګټن په ۲۰۱۵ کال کې له هستهيي تړون څخه ووت او پر ایران یې بندیزونه ولګول. 🔹 د امریکا دریځ: د ایران په وینا، واشنګټن د هستهيي موضوع د پوځي اقداماتو لپاره د پلمې په توګه کاروي. تهران ادعا کوي چې امریکا د ایران د هستهيي پروګرام د له منځه وړلو له خپلو څرګندونو اته میاشتې وروسته هم پر ایران تورونه لګول. 🔹 له اروپايي هېوادونو سره خبرې: د ایران په وینا، تهران له اروپايي هېوادونو څخه د خبرو اترو په اړه کوم مشخص وړاندیز نه دی ترلاسه کړی او یوازې یې د خبرو د اهمیت په اړه عمومي څرګندونې اورېدلې دي.