MY VERSION | МОЯ ВЕРСИЯ

لا شدیده شي. هغه ادعا کوي، چې د نړیوال‌پالنې پلویان او د اروپا اوسني مشران له روسیې سره د مقابلې او د جګړې د پراخېدو غوښتونکي دي. ۳- افغانستان د روسیې پر وړاندې د احتمالي فشار د یوې جبهې په توګه خرم اټکل کوي، چې لوېدیځې کړۍ ښايي د اوکرائین ترڅنګ په نورو سیمو کې هم روسیه په شخړو کې ښکېله کړي. د هغه په وینا، افغانستان هم د روسیې پر وړاندې د فشار راوړلو لپاره د یوې احتمالي جبهې په توګه مطرح کېدای شي. ۴- منځنۍ اسیا ته د داعش او نورو وسله‌والو ډلو د لېږد اندېښنه د خرم په وینا، روسیه اندېښنه لري چې داعش او نورې وسله‌والې ډلې ښايي د افغانستان له سوېلي سیمو څخه منځنۍ اسیا ته ولېږدول شي او په سیمه کې امنیتي ګواښونه رامنځته کړي. هغه باور لري، چې په دې صورت کې به روسیه اړ شي په منځنۍ اسیا کې هم له امنیتي ننګونو سره مقابله وکړي، چې په پایله کې به یې پر مسکو فشار زیات شي. ۵- د افغانستان په ختیځ او شمال ختیځ کې د پوځي فعالیتونو په اړه ادعا خرم ادعا کوي، چې د افغانستان په ختیځو او شمال ختیځو سیمو کې ځینې پوځي فعالیتونه له پاکستانه تنظیمېږي او په دغو فعالیتونو کې داسې کسان هم ښکېل دي چې له برېتانیا سره اړیکې لري. هغه دا موضوع د روسیې د امنیتي اندېښنو له احتمالي لاملونو څخه ګڼي. ۶- د ایران جګړه او سیمه‌ییز بدلونونه خرم د ایران جګړه هم د سیمې له روانو بدلونونو سره تړلې مهمه مسئله بللې او ویلي یې دي، چې دا موضوع جلا او هر اړخیز تحلیل ته اړتیا لري.