پاکستان، دیپلوماتیک پیغاموړونکی چې د نورو خبرې رسوي، خو خپله تش لاس بېرته راګرځي! د عاصم منیر د تهران سفر له ولسمشر پزشکیان او د پارلمان له رئیس قالیباف سره د لیدنو ترڅنګ، د محسن رضايي د سړې رویې له امله هم د بحث موضوع شو. په ټولنیزو شبکو کې دا پوښتنه راپورته شوې چې ایا تهران د اسلامآباد پر "منځګړیتوب" پوره باور لري؟ اسلامآباد د تهران او واشنګټن ترمنځ د پیغامونو په لېږدولو کې هڅې کوي، خو اصلي پوښتنه دا ده: پیغامونه رسېږي، خو ایا پایله هم ورسره راځي؟ پاکستان غواړي د دواړو ترمنځ پُل شي، خو پُل هغه وخت ارزښت لري چې دواړه غاړې پرې د تېرېدو باور ولري، نه دا چې جوړوونکی یې یوازې د ترافیک په تمه پاتې شي!