🇮🇷 عراقچي: اروپا باید د واقعیتونو پر وړاندې سترګې پرانیزي او په سیمهییزو جګړو کې خپل مسؤلیت ومني د ایران د بهرنیو چارو وزیر، عباس عراقچي، ویلي چې اروپايي هېوادونه د امریکا د ناسم سیاست په تعقیبولو سره په اوکرائین کې د جګړې د اوږدېدو، د فلسطینیانو د وژل کېدو او په منځني ختیځ کې د شخړو د پراخېدو مستقیم مسؤلیت لري. د هغه په وینا، اروپايي مشران د خپلو سیاسي تېروتنو او د روانو پېښو په اړه د ناسمو برداشتونو قربانیان شوي دي. د ایران د بهرنیو چارو وزیر د څرګندونو مهم ټکي: • په شخړو کې مستقیم او غیرمستقیم ګډون: عراقچي ویلي چې له اسرائیل څخه د اروپا بېقید او شرطه ملاتړ هغه په غزه کې د لسګونو زرو ملکي وګړو د وژل کېدو شریکه ګرځولې ده. نوموړي زیاته کړې چې د اروپا د اقتصادي او ټولنیزو بحرانونو پړه پر بهرنیو عواملو اچول د منلو وړ نه ده، ځکه د ده په اند، دغه بحرانونه د اروپا د بهرني سیاست مستقیمه پایله ده.