د تاتارستان مشر: قازان فوروم د روسیې او اسلامي نړۍ ترمنځ د خبرو اترو پر مهم ډګر بدل شوی د «روسیه ـ اسلامي نړۍ: قازان فوروم ۲۰۲۷» نړیوال اقتصادي فوروم به د ۲۰۲۷ کال د مې له ۴مې تر ۶مې نېټې پورې جوړ شي. دا خبره د تاتارستان جمهوریت د مشر د مطبوعاتي دفتر له لوري د چمتووالي کمېټې تر غونډې وروسته اعلان شوې ده. د تاتارستان مشر رستم مینیخانوف ویلي، چې قازان فوروم د روسیې او اسلامي نړۍ د هېوادونو ترمنځ د رغنده خبرو اترو پر یوه مهم ډګر بدل شوی دی. د غونډې مشري د روسیې د حکومت مرستیال صدراعظم او د چمتووالي کمېټې مشر مارات حوسنولین کوله. هغه هم د اقتصادي همکاریو په پراختیا کې د دې فوروم پر رول ټینګار وکړ. د روسیې د ولسمشر سلاکار او د چمتووالي کمېټې اجرائیوي منشي انتون کوبیاکوف هم په غونډه کې ګډون درلود. د افغانستان پلاوی هر کال په دې فوروم کې ګډون کوي. تمه ده چې په ۲۰۲۷ کال کې به د افغانستان پلاوی هم په فورم کې ګډون وکړي او د روسیې او افغانستان ترمنځ به د سوداګرۍ او پانګونې کنفرانس هم جوړ شي. https://t.me/rbcafghan/926