د اوزبیکستان د ولسمشر د دفتر مشرې سعیده میرضیایف د ملګرو ملتونو عمومي اسامبلې ته وویل، چې افغانستان ته یوازې د ګواښ په سترګه کتل او د افغانانو یوازې پرېښودل د ستونزې حل نه دی. هغې زیاته کړه، لکه څنګه چې د منځنۍ اسیا هېوادونو د خپلو اختلافونو له هوارولو وروسته یو بل ته د شریک په توګه وکتل، د افغانستان په اړه د اوزبیکستان تګلاره هم پر همدې روحیې ولاړه ده. هغې ټینګار وکړ چې افغانانو ته باید هیله او ډاډ ورکړل شي څو په سوله کې ژوند وکړي. https://t.me/thegreatcaravaninfo88/26068