🇺🇸 «که نړۍ نه وي، زه خو یم! د یوه ولسمشر د «سترې بریا» کیسه امریکا نن د خپل تاریخ تر بل هر وخت پیاوړې ده، ځکه چې زه یې ولسمشر یم! زما مېرمن هم د امریکا د تاریخ تر ټولو غوره او بېسارې لومړۍ مېرمن ده او هېڅوک یې حتی سیالي هم نه شي کولای. ما فقر له منځه یووړ، بېکاري مې په پراخه کچه راکمه کړه، د واشنګټن واټونه مې د نړۍ تر ټولو خوندي ځای وګرځول او د پټرولو او ګاز بیې مې هم دومره راټیټې کړې چې بیخي یې بیخ ته ورسولې! ما اته جګړې په سولې بدلې کړې او د اوکرائین جګړه به هم ډېر ژر، هغه هم په داسې حیرانوونکې بڼه، پای ته ورسوم. د ایران په اړه هم اندېښنه مه کوئ، یا به رژیم له بېخه ونړوم، یا به ایران دومره ارام کړم چې خپله ایرانیان به هم له دې ارامۍ حیران شي! په غزه کې مې هم کار یو مخته یووړ او اوس به خپله مټې راونغاړم چې هلته د بیا رغونې او پرمختګ چارې پیل کړم. مصنوعي ځیرکتیا؟ له دې وروسته به یې «فوقالعاده ځیرکتیا» بولو! مه وېرېږئ، هر څه زما تر کنټرول لاندې دي. چین هم هېڅ نه شي کولای. د ځمکې تودوخه؟ یوه مسخره ټوکه ده! هېڅ به نه کېږي او موږ هم هېڅ نیت نه لرو چې په دې لوبه کې ګډون وکړو. د ناټو مشر هم ښه سړی دی