🇸🇦 سعودي عربستان چمتو دی چې حتا د امریکا له ملاتړ پرته پر حوثیانو برید وکړي د ABC News د راپور له مخې، ریاض ښايي په خپله د حوثیانو پر وړاندې پراخ پوځي عملیات پیل کړي، پرته له دې چې امریکايي ځواکونه په مستقیم ډول پکې ګډون وکړي. تر اوسه لا وروستۍ پرېکړه نه ده شوې، خو د سعودي ولیعهد محمد بن سلمان د پنجشنبې په ورځ دوه ځله له ټرمپ سره ټیلیفوني خبرې کړې او هڅه یې کړې چې هغه د امریکا د پوځي مداخلې پر اړتیا قانع کړي. تر دې دمه واشنګټن یوازې استخباراتي معلومات او د هدفونو په نښه کولو کې مرسته کړي، خو په یمن کې د مستقیمو بریدونو پلان نه لري. 😏 خو د سعودي ائتلافي پوځي ملګری، اټومي ځواک لرونکی پاکستان، د متقابلې دفاع تړون د متن په وړو تورو لوستلو کې لکه د تل په څېر په ډېر شوق بوخت دی. ښايي د «متقابلې دفاع» ماده په داسې رنګ چاپ شوې وي چې له وخت سره ورکېږي — یا کېدای شي اسلاماباد د واشنګټن د اشارې په تمه وي، څو لومړی پوه شي چې د کوم لوري ملګرتیا باید وکړي.