🇦🇫 د ملګرو ملتونو خبرداری : افغانستان: لوږه، بېځایه کېدل او وچکالي د خلکو پر رواني روغتیا سخت اغېز کوي 📍 افغانستان، د ۲۰۲۶ کال د اګست ۲۹مه — کاروان انفو ملګرو ملتونو او د REACH څېړنیزې ادارې خبرداری ورکړی، چې په افغانستان کې روانه لوږه، جبري بېځایه کېدل او وچکالي د افغانانو د رواني روغتیا لپاره جدي ګواښ رامنځته کوي. 📊 د بشري ناورین کچه: 🔹 شاوخوا ۲۱،۹ میلیونه کسان بېړنیو بشري مرستو ته اړتیا لري. 🔹 په ۲۰۲۶ کال کې به د هېواد ۴۵ سلنه نفوس له سخت بشري ناورین سره مخ وي. 🔹 ۱۷،۴ میلیونه کسان د حادې لوږې د بحراني کچې سره مخ دي. 🔹 ۴،۷ میلیونه کسان د لوږې په بېړني وضعیت کې دي، چې د تېر کال په پرتله له دوه برابرو څخه ډېر زیاتوالی ښيي. 🌵 وچکالي؛ یو بل جدي ګواښ د «لا نینا» اقلیمي پدیدې په افغانستان کې پر ۱۲ ولایتونو سخت اغېز کړی او شاوخوا ۳،۴ میلیونه کسان یې په مستقیم ډول اغېزمن کړي دي. د واورې او ورښتونو کچه په پام وړ ډول کمه شوې، په ژمي او پسرلي کې د تودوخې درجه لوړه شوې، چې له امله یې د ځمکې لاندې اوبه کمېږي، د سیندونو اوبه راټیټېږي او کرنه، مالداري او د څښاک اوبو ته لاسرسی له جدي ستونزو سره مخ کېږي. 👥 تر ټولو زیانمنې ډلې ماشومان، ښځې، معلول افراد، زاړه او جبراً بېځایه شوي کسان تر ټولو زیات زیانمن دي. د عوایدو له لاسه ورکول، بېځایه کېدل او پر ښځو او نجونو سخت محدودیتونه د دغو ډلو رواني او ټولنیز فشار لا زیاتوي. 🏠 پر خلکو اضافي فشار 🔹 یوازې په ۲۰۲۵ کال کې له ایران او پاکستان څخه څه باندې ۲،۶۱ میلیونه افغان کډوال بېرته افغانستان ته ستانه شوي، چې له امله یې پر لومړنیو خدمتونو او کوربه ټولنو فشار زیات شوی دی. 🔹 ناچاودېدلي مهمات هم لا هم د افغانانو ژوند ګواښي؛ هره میاشت شاوخوا ۵۰ کسان د دغو مهماتو له امله وژل کېږي یا ټپیانېږي. 💵 راتلونکی وضعیت که د ۱،۷۱ میلیارد ډالرو په کچه غوښتل شوې بودجه برابره شي، بشري مرستندویه ادارې پلان لري چې په ۲۰۲۶ کال کې له ۱۷،۵ میلیونو تر ټولو اړمنو افغانانو سره د خوړو، سرپناه، روغتیايي خدمتونو، څښاک اوبو او رواني ـ ټولنیزې ملاتړ په برخو کې مرسته وکړي. https://t.me/thegreatcaravaninfo88/25278