Аль-Бакъара – Етт 56. Цул тIехьагIа, шо дайначул тIехьагIа, Оаха гIовттадир шо (юха дийндир шо), оаш шукар дергдолаш (Оаха шоашта даьча дикан). 57. Оаха морхаца хьуладир шо (маьлха чIоагIача йIовхалах), иштта моакеи лекъаши доссадир Оаха шоана: «Оаха шоашта деннача дикаех даа». Тхона данзар цар зулам, цхьабакъда шоай дегIамашта зулам деш бар уж. 58. Оаха аьннача хана (царга): «Укх шахьар чу (Байтул-Макъдисе) дIачу а гIо, цу чу шоашта ловччара шортта даар даа, наIарах сужне а гIой (Iо а дийрзе) дIачудовла, «тха къинош дIадàха» а, аьле. Оаха шун къиношта гешт дергда, дика дераш сов а боахаргба Оаха (маьлà)». 59. Зулам даьчар (Оаха белгалдаь) дош хийцар шоашка ца аьнначунца (Байтул-Макъдисе уж, шоай бовхамашта Iо а хайша, текхаш чубахар). Зулам даьчарна Оаха сигалара Iазап доссадир, уж фискъал деш хилар бахьан. 60. (Иштта хьоахаде) Муса пайхамара, мала хий дийхача хана ший къаманна, Оаха аьлар: «Iа хьай Iаса кхерах тоха!». Цу чура Iодоладелар шийтта тоатолг (жугтий тайпаш миссел). ХIара тайпана ши-ший хий мола меттиг яйзар. Даа а даа, мала а мала АллàхIа рузкъах, лаьтта бохамаш деш а ма лèла. Моака – угощение, мана. Лекъ – перепёлка. Бовхамаш – основание, (ягодицы). Бохамаш – нечестие. 🌙 КИН - поделись! 17/03/2026