Аль-Бакъара – Етт 51. (Хьоахаде) Оаха Муса пайхамарà шовзткъа бийса йиллача хана, цун тIехьа (Муса, I.с., Тхона духьала вà аьнна дIавахача) Iасилг (даьла а ваь) лаьцар оаш, шо зулам деш а долаш. 52. ТIаккха Оаха гешт дир шоана, цул тIехьагIа оаш шукар дергдолаш. 53. (Хьоахаде) Муса пайхамарà Оаха Товрати (Харц-бакъ, хьаьнал-хьарам къестаду) Фуркъоани делар, шо нийслургдолаш. 54. Муса пайхамара ший къаманга аьннача хана: «Ва са къам! Оаш зулам даьд шоашта Iасилг (даьла ваь) лацарца, шоаш кхеллàча Даьлаца тоба де. Шоай дегIамаш доаде оаш (шоана юкъе бехкбоацачàр бехкбараш боаболба). Из шоана шо Кхеллача Далла гарга дикагIа да шоана. ТIаккха Дàла шун тоба къоабалдир. Боккъал, Из (АллàхI) тоба Къоабалдеш ва, Къахетаме ва. 55. Оаш аьннача хана: «Ва Муса! Оаха хьоца им дулларгдац, АллàхI Ше тхона бокъонца бIаргавовлца». ТIаккха шо лийцар чIоагIача мухьтохаро, шоана га а гуш. 🌙 КИН - поделись! 16/03/2026