Аль-Бакъара – Етт 36. Иблиса харцача новкъа баьхар уж, шоаш (Ялсмалара) чухинначара арабàьхар уж. Оаха аьлар: «Лаьтта досса шо шух цаIаш вокхар моастагIий болаш Лаьтта саца меттиг я шоана, пайда эцар да шоана ханага кхаччалца. 37. ТIаккха Адам пайхамара, ший Даьлагара дешàш хьаийцар, Дàла цун тоба къоабалдир. Боккъал, Из (АллàхI) тоба къоабалдеш ва (Ший лай), Къахетаме ва (царца). 38. Оаха аьлар: «Iодосса шо цу чура (Ялсмалара) дерригаш. Согара шуга нийсадар дéча (Китàб, пайхамар, I.с), Согара нийсачоа тIехьабаьннараш, царна кхерам хургбац е уж гIайгIане хургбац. 39. Керастал даьраш, Тха аяташ харцдаьраш, уж нах ЖожагIата охлой ба, цу чу хургба уж дàим а (байна дIа а ца бовлаш е цу чура ара а ца бовлаш)». 40. Ва Исраила дезал! Дагадоха, Аз шоана (шун даьшта) денна Са ниIмат (даь дола дика: ФирIовнах кIалхарбàхар, форд боаттIабар, морхашца Iи дар, уж доацаш кхыдараш а, оаш цу дикашта шукар де, Сона мутIахьа хиларца). Оаш Соца яь чIоагIо кхоачашъе, Аз кхоачашъергья Айса шуца яь чIоагIо. Сох кхералаш. 🌙 КИН - поделись! 13/03/2026