Аль-Бакъара – Етт 31. Дàла ше мел долча хIаман цIераш Iомайир Адамà. ТIаккха шейола хIама малайкашта духьал а оттаяь Дала царга аьлар: «ЦIераш яхал Сона укх хIамай, шо бакълувш дале. 32. Цар аьлар: «Субхьанака (ЦIена ва Хьо, АллàхI, Хьона духьале яра)! Iа тхона хайтàр мàра Iилма дац тхога, боккъал, а Хьо ва (деррига) Ховш вар, Говзавар». 33. Цо (Дàла) аьлар: «Ва Адам! ДIаювцал акхàрга цар цIераш». Цо царга цар (цу хIамай) цIераш дIайийцача, Цо (Дàла) аьлар: «Аз аьннадецарий шуга лаьттеи сигаленашкеи къайлагIа мел дола хIама ховш ва Со, иштта оаш гучадоаккхар а, оаш хьуладеш хиннар а ховш ва Со». 34. Оаха малайкашка аьннача хана, Адам пайхамарà (лерхIамà Iодерзаш) сужд де оаш, цар сужд дир цхьа иблис доацачо. Юхакхийтар из, курал йир цо (со цул, Адам пайхамарал, I.с., дикагIа да, аьлар цо), керастал даьчарех а хилар из. 35. Оаха аьлар: «Ва Адам! Хьои хьа сесаги (Хьава, Дàла кхеллай из Адама, I.с., аьрда пIендах) Ялсмала дàха. Цу Ялсмала шортта шоашта ловччара даар даа, цхьабакъда укх гаьнà (даарà) юхе ма гIо. Зулам даьрех хургда шо». 🌙 КИН - поделись! 12/03/2026