Аль-Бакъара – Етт 26. АллàхI озалуш вац чIиркх миссел а, е цул замагIдар а масал доаладе. Им диллàраш ховш ба, из саццà бакъ долга шоай Даьлагара. Бакъда керастал даьчар оал: «Фуд цу АллàхIà из масал доаладарца ловш дар (малагIа пайда ба цунца)?» Цо (Дàла) цунца тувлабу дукхабараш, дукхагIбараш нийсбу. Дала цу масалца тувлабац фасикъ нах мàра. 27. Уж ба, АллахIа шоашца яь чIоагIо йохаераш, шоаш чIоагIо яьчул тIехьагIа, АллахIа хотта яха хIама тедараш, лаьтта бохам бераш, уж даькъазабараш ба. 28. Оаш мишта ду АллàхIаца керастал? Шо дийна хинна ца хилча. Цул тIехьагIа шо Цо дийндича. Цул тIехьагIа кхолхадергда шо Цо, тIаккха шо (юха) дийндергда Цо. ТIаккха цу Даьлага дерзадергда шо. 29. Из ва (АллàхI) лаьтта мел дола хIама шоана хьакхеллàр. Цул тIехьагIа сигаленашта тIавийрзар Из, цàрех ворхI сигале хьайир Цо. Из (АллàхI) ше мел дола хIама Ховш ва. 30. Хьа Дàла малайкашка аьннача хана: «Лаьтта халиф (тIаоттаваьр) кхолла воал Со (Адам пайхамар, I.с., ва укхаз ловш вар)». Малайкаша аьлар: «Цу лаьтта бохам бергбари цIий мехкадергдари кхолла воал Хьо? Тхо Хьона хоастам беш тасбихь еш а, Хьо цIенвеш а ма дий». Цо (АллахIа) аьлар: «Сона хов шоана цаховр». Озалуш (узалуш) – смущаеться. ЧIиркх – комар. Бохам – нечестие, бедствие. 🌙 КИН - поделись! 11/03/2026