Аль-Бакъара – Етт 21. Ва нах! Шо а шул хьалха хиннараш а хьакхеллà волча шоай Далла Iибàдат де, шо (Iазапах) кхераргдолаш. 22. Баьржа мотт а баь, шоана лаьтта кхеллàр ва Из. Иштта тхов баь, сигале кхеллàр ва Из. Сигалара догIа доссадаьр ва Из, цунца сомаш хьатIабàлийтаб Цо, шоана рузкъа даь. АллàхIах новкъостий ма бетталаш, шоашта ха а ховш. 23. Нагахь санна шо шек дале, Оаха Тхоай лайга доссадаьчох (Мухьаммадага десса КъорIа Даьлера хилар), цу КъорIан тарра (доссадаь) цхьа сурат (мукъагIа) хьадоаладе оаш, шо бакълувш дале. 24. Оаш из сурат хьа ца доаладой, оаш из доаладанне а доаладергдàц, — шо кхера ЖожагIатенах, тIох а наьха дегIамех а йоагаш йолча кераста нàхà кийчъяьча. 25. Кхаъ бàккха Iа (Мухьаммад) им а диллà, цIена Iамал ечàрга, царна Ялсмала бешамаш хургья, аьле, кIалгIолла хи-тоатолаш а лелаш. Цу бешара царна даар массаза лу, яхаргда цар: «Ер мо даар тхона хьалха а хиннад». Из царна деннад цунна тара долаш. Иштта цу чу цàрна цIена истий хургба. Уж цу чу даим хургба. ТIох — из камей. 🌙 КИН — поделись! 10/03/2026