Аль-Бакъара – Етт 16. Уж тувлабалар нийсачох хийца нах ба. Цу базаро пайда банзар царна! Нийсбенна а бацар уж. 17. Шоай (нифакъала) куцагахь (баьдеча) цIи сегачоа тара ба уж: цо (цIеро) гонахьа мел дар сийрдадаьккхача (цIерца вIоахьвенна а, кхерама маьрша а ваьлча), АллàхIа цIи дIа а яьккха, гуш боацаш, баьдеча бита. 18. Къора ба уж (бакъдар хозаш а къоабал-деш а бац). Меттаза ба уж (дикадар оалаш бац). БIàрза ба уж. Уж (тувлорах) юхабоалача бац. 19. Даггара ди а детташ, тIоа а сегаш, кхаьтà эттача догIан морхий боадонашта юкъе бисàча нàха тара ба уж. Лергашка пIелгаш дехк цар шоай, ба ца бов гIерташ цу деттача дина цIогIах. АллàхI кераста нàхà (Ший Iилманца, Ший низ дIакхачарца) го беш ва. 20. ТIоа сегача бIаргаш кхàл цар, хIаьта а цхьан юкъà сийрдадаьннача тàкилгаца никъ бу цар, тIаккха гобаьккха боадо тIаеча, совц уж. АллàхIà лайча, бIарга а лерга а са дIаэцаргдар цар. АллàхI масса хIаман Низкхоачаш ва. БIàрза — ослепший. ТӀоа (сагар) — молния. Кхàл — покрывать, ослеплять. Тàкилг — линия, тропинка. 🌙 КИН - поделись! 09/03/2026