Аль-Бакъара – Етт АллàхIа цIерца, Къахетам беши Къахетам бергболаши волча. 1. Алиф. Лáм. Мѝм. 2. Ер Китàб, цхьаккха шеко а яц цунгахь, Даьлах кхерараш нийсбеш да. 3. Уж ба: къайлагIа долча хIаманца им дуллаш бараш, ламаз деш бараш, Оаха шоашта деннача рузкъах дIалуш бараш ба уж. 4. Хьога доссадаьчунца им дуллараш ба уж, хьол хьалха доссадаьчунца а, Къематденах дог тийшà бараш а ба уж. 5. Уж нах шоай Даьлагара долча нийсача хIаман тIехьа ба, шоаш даькъала хиннараш а ба. 6. Царна – керастал даьча нахà, бе дàц Iа царна кхерам лой а, Iа царна кхерам ца лой а – цар им дулларгдац. 7. АллàхIа цар дегàшта махьар тоIадаьд, иштта цар хазарà а махьар тоIадаьд. Цар бIаргсина тIа пордув я. Доккха Iазап хургда царна. 8. Нàхах цхьабараш ба, АллàхIацеи ТIеххьарча денцеи им диллà да тхо, яхараш. Уж им дилла ма бац. 9. АллàхIи (АллàхIаца) им диллà нах Iехабе гIерт уж. Цар Iехабераш шоаш мàра бац, цар из кхета а дац. 10. Цар дегàшка лазар да, АллàхIа уж нах лазарà совбаьхаб. Лозавеш дола Iазап хургда царна, уж харцлер бахьан. 🌙 КИН - поделись! 07/03/2026