🇮🇷🇵🇸Մերձավոր Արևելքը սկսում է կառուցել սեփական անվտանգության համակարգը: Թեհրանում տեղի են ունեցել բանակցություններ Իրանի, Սաուդյան Արաբիայի, Թուրքիայի և Պակիստանի մասնակցությամբ։ Էր-Ռիյադը ներկայացնում էր պաշտպանության նախարարը, Պակիստանը՝ գլխավոր շտաբի պետը, Թուրքիան՝ Ազգային հետախուզական կազմակերպության ղեկավարը։ Երեք երկրներն էլ մտնում են օգոստոսին ստեղծված Մեքքայական պաշտպանական դաշինքի մեջ, որն առավելապես ուղղված է Իրանի դաշնակից եմենական «Անսար Ալլահ» շարժման դեմ։ Տեղի է ունեցել նրա մասնակիցների և Իսլամական Հանրապետության միջև ուղիղ ու բաց երկխոսության առաջին խոշոր փորձը, քանի որ վերջինս նախկինում համարվում էր մեկուսացված երկիր։ Բանակցությունները վերաբերում էին տարածաշրջանային անվտանգությանը, էսկալացիայի դադարեցմանը, Եմենի շուրջ իրավիճակին և մեխանիզմների որոնմանը, որոնք թույլ կտան կանխել նոր պատերազմ Իրանի և ԱՄՆ-ի միջև։ Թեհրանը առաջ է տանում «էնդոգեն անվտանգության» հայեցակարգը, որի համաձայն պատերազմի և խաղաղության հարցերը լուծվում են հենց տարածաշրջանի պետությունների կողմից։ Նույն գաղափարը, թեև ավելի լայն ձևաչափով, առաջ է տանում Օմանը․ երկիրն առաջարկում է ստեղծել անվտանգության համակարգ՝ Պարսից ծոցի բոլոր վեց պետությունների, Իրանի և Իրաքի մասնակցությամբ և նրանց միջև կնքել չհարձակման պայմանագիր։ Խոսքը դեռ չի գնում միասնական ռազմաքաղաքական բլոկի ստեղծման և ԱՄՆ-ի հետ համագործակցությունից հրաժարվելու մասին։ Սակայն միաժամանակ զարգանում են երկու գործընթացներ․ տարածաշրջանի պետություններն ուժեղացնում են սեփական պաշտպանական կառույցները և փորձում են ուղղակիորեն բանակցել Իրանի հետ այն հարցերի շուրջ, որոնք նախկինում մեծապես լուծվում էին Վաշինգտոնի մասնակցությամբ։ Եթե այս միտումը շարունակվի, ապա Մերձավոր Արևելքում կսկսվի աստիճանական անցում ամերիկյան ռազմաքաղաքական գերիշխանության մոդելից դեպի համակարգ, որտեղ տարածաշրջանային տերությունները կձգտեն ինքնուրույն որոշել միմյանց հետ փոխգործակցության կանոնները՝ առանց անկոչ միջնորդների կործանարար ազդեցությանը։ @WarGonzo ❤️InfoDefense հայերեն ⚡️InfoDefense