თბილისის მერიის განცხადებით, რიყის დოქების ტერიტორიაზე სასტუმროს მშენებლობის კონკრეტული პროექტი ჯერ არ წარუდგენიათ, თუმცა დოქების დემონტაჟზე გადაწყვეტილება უკვე მიღებულია. 2025 წლის ივნისში ტერიტორიის მფლობელი კომპანია „რიყე დომი“ თურქი ბიზნესმენის, ემინ უჩარის „მაქრო ჯგუფის“ საკუთრება გახდა. ჯგუფი საქართველოში Swissôtel Tbilisi-სა და სხვა უძრავი ქონების პროექტებს ფლობს. საქართველოს მთავრობის 2025 წლის 6 მაისის განკარგულებით, რიყის დოქების ტერიტორიაზე სასტუმროს პროექტის განხორციელება დასაშვებია.