რუსთავის „აზოტში“ აზოტმჟავის საამქროს მოდერნიზებული კატალიზური გაწმენდის რეაქტორი გაიხსნა. პროექტის ფარგლებში დამონტაჟდა ახალი თაობის კატალიზატორი და დამაბინძურებელი ნივთიერებების გაფრქვევის უწყვეტი მონიტორინგის სისტემა, რაც სათბურის აირების ემისიების შემცირებას შეუწყობს ხელს. პროექტი გერმანიის საერთაშორისო თანამშრომლობის საზოგადოების (GIZ) მხარდაჭერით განხორციელდა და მისი ღირებულება 5,26 მილიონი ევროა, საიდანაც 2,26 მილიონი ევრო GIZ-ის დაფინანსებაა, ხოლო 3 მილიონი ევრო — „რუსთავის აზოტის“ ინვესტიცია. რეაქტორის გახსნას გარემოს დაცვისა და სოფლის მეურნეობის მინისტრი დავით სონღულაშვილი და რუსთავის მერი ნინო ლაცაბიძე დაესწრნენ.