ევროკავშირის საგარეო საქმეთა მინისტრებმა საქართველოს საკითხზე მოკლე დისკუსია გამართეს. „რადიო თავისუფლების“ ევროპის ბიუროს ხელმძღვანელის, რიკარდ იოზვიაკის ინფორმაციით, დღეს ლუქსემბურგში ევროკავშირის საგარეო საქმეთა მინისტრებმა საქართველოს საკითხი განიხილეს. მისი თქმით, მინისტრების პოზიცია უცვლელი დარჩა — საქართველოში პოლიტიკური უკუსვლა მნიშვნელოვნად გაღრმავდა. ამასთან, იოზვიაკის განცხადებით, ევროკავშირში არსებობს ინტერესი, პოლიტიკურ დონეზე დაბლა გაგრძელდეს თანამშრომლობა ისეთ საკითხებზე, როგორიცაა დაკავშირებადობა. მინისტრებს შორის საქართველოს შესახებ უფრო ფართო დისკუსია იანვარშია მოსალოდნელი, — წერს იოზვიაკი.