შიო III: როცა ჯვარს მოთმინებით, სიმდაბლითა და ლოცვით ვატარებთ, ის ჩვენი სულისთვის მარგებელი ხდება🙏 საქართველოს კათოლიკოს-პატრიარქმა შიო III-მ ჯვართამაღლების დღესასწაულზე მრევლს მიმართა და განაცხადა, რომ ადამიანის „სულიერი ჯვარი“ ცოდვების, განსაცდელების, მწუხარების, სნეულებებისა და ოჯახური სირთულეებისგან შედგება. „როდესაც ვცდილობთ, ჯვარს გავექცეთ, ჩვენ ვშორდებით ქრისტეს ჯვარს, თვით უფალს. მაგრამ როდესაც მოთმინებით, სიმდაბლით, ლოცვით ვღებულობთ და ვზიდავთ ჩვენს ჯვარს, მაშინ ეს ჯვარი ჩვენთვის აუცილებლად სულის მარგებელი გახდება“, – განაცხადა პატრიარქმა სამების საკათედრო ტაძარში ქადაგებისას. შიო III-მ ასევე ისაუბრა სოხუმის დაცემის 33-ე წლისთავზე და განაცხადა, რომ აფხაზეთის ომის ტრაგედიის დასაძლევად გზა არის სიყვარული, შენდობა და ურთიერთპატიება. „თუ გვინდა, ეს ჯვარი ღირსეულად ვზიდოთ, რომ ერი კვლავ გაერთიანდეს და გადარჩეს ქართველობაც და აფხაზობაც, ჩვენი გზა არის სიყვარული, შენდობა, ურთიერთპატიება“, – აღნიშნა პატრიარქმა. მისი თქმით, ჯვართამაღლების დღეს სამების ტაძარში პანაშვიდი აღესრულა ომში დაღუპული ქართველებისა