დიდ ბრიტანეთში ქართული ღვინის პოპულარიზაციის მიზნით, ქალაქ ბატში ქართული ღვინის დეგუსტაცია-პრეზენტაცია გაიმართა. ღონისძიებაზე მედიის, HORECA სექტორისა და სავაჭრო ქსელების წარმომადგენლებმა ქართული ღვინო დააგემოვნეს და ქვეყნის მეღვინეობის ისტორიასა და თანამედროვე წარმოებას გაეცნენ. პრეზენტაციას ღვინის ცნობილი ბრიტანელი ავტორი ფიონა ბეკეტი და ჟურნალისტი კეიტ ჰოუკინგსი უძღვებოდნენ, რომლის სტატიებიც Financial Times-ში, The Guardian-ში, The Telegraph-სა და Decanter-ში ქვეყნდება. ღონისძიება ღვინის ეროვნული სააგენტოსა და Swirl Wine Group-ის ორგანიზებით ჩატარდა. კამპანიის ფარგლებში ქართული ღვინის პრეზენტაციები ბრიტანეთის სხვა ქალაქებშიც იმართება. მიმდინარე წლის იანვარ-აგვისტოში საქართველოდან დიდ ბრიტანეთში 268 ათას ლიტრამდე ღვინო გავიდა — 37%-ით მეტი, ვიდრე გასული წლის იმავე პერიოდში.