სახალხო დამცველმა ირაკლი ღარიბაშვილი ციხეში მოინახულა. ლევან იოსელიანის განცხადებით, ღარიბაშვილს საპატიმრო პირობებსა და ადმინისტრაციის მხრიდან მოპყრობაზე პრეტენზია არ აქვს. მისი თქმით, ყოფილ პრემიერს მხოლოდ პაემნის საკითხთან დაკავშირებით ჰქონდა პრეტენზია. სპეციალური პენიტენციური სამსახურის განმარტებით კი, პაემანი არც ჩანიშნულა და არც გაუქმებულა — ღარიბაშვილს პაემნების ლიმიტი სრულად აქვს ათვისებული. «თუმცა სამომავლოდ კიდევ ერთხელ შემიძლია დავადასტურო, რომ ციხის ადმინისტრაციას რაიმე ტიპის პრინციპული წინააღმდეგობა, რომ ბატონ ირაკლის მიმართ გაგრძელდეს ის დამოკიდებულება, რომელიც ჰქონდა აქამდე, ანუ ის პერიოდულად ღებულობდა წამახალისებელ პაემნებს, შეხვედრების შესაძლებლობას, ასეთი ტიპის შესაძლებლობა გაგრძელდება», - აცხადებს იოსელიანი.