პატიმრობაში მყოფ საქართველოს ყოფილ პრემიერ-მინისტრ ირაკლი ღარიბაშვილს გასულ კვირას შვილებთან შეხვედრა გაუუქმეს, აცხადებს მისი ადვოკატი ლილი გელაშვილი. ადვოკატის თქმით, პაემნის გაუქმების მიზეზი უცნობია. გელაშვილი მიიჩნევს, რომ ეს და ღარიბაშვილის ოჯახის წევრების სამსახურიდან გათავისუფლება შესაძლოა ერთმანეთთან იყოს დაკავშირებული და ყოფილ პრემიერ-მინისტრზე ფსიქოლოგიურ ზეწოლას ემსახურებოდეს. მისი თქმით, დღეს ღარიბაშვილს ციხეში შეხვდება და შეხვედრის შემდეგ დამატებით ინფორმაციას გაავრცელებს. ირაკლი ღარიბაშვილი საქართველოს ყოფილი პრემიერ-მინისტრია. ის ამ პოსტს ორჯერ, 2013-2015 და 2021-2024 წლებში იკავებდა. სხვადასხვა პერიოდში ასევე იყო საქართველოს შინაგან საქმეთა და თავდაცვის მინისტრი.