აბასთუმნის შემოვლითი გზა 2027 წლის შემოდგომაზე დასრულდება. აბასთუმნის შემოვლით გზაზე არსებული შეფერხებების გამო სახელმწიფომ ორ კომპანიასთან ხელშეკრულება გაწყვიტა, სამუშაოები კი ახალ კონტრაქტორს გადაეცა, განაცხადა ინფრასტრუქტურის მინისტრმა რევაზ სოხაძემ. „2027 წლის შემოდგომაზე ეს 17-კილომეტრიანი გზა დასრულებული იქნება და ბაღდათის მუნიციპალიტეტთან სრულფასოვან დაკავშირებას უზრუნველყოფს“, — განაცხადა მინისტრმა. პარალელურად გრძელდება ობსერვატორიასთან მისასვლელი გზის რეაბილიტაცია, ტყის დაზიანებული მონაკვეთების აღდგენა და სხვა ინფრასტრუქტურული პროექტები. სოხაძემ აბასთუმნის განვითარებაში შეტანილი წვლილისთვის ფონდ „ქართუსა“ და ბიძინა ივანიშვილს მადლობა გადაუხადა.