Як Лукашэнку сустракалі ў Туркменістане. Невялічкая дэталь, якая кажа пра многае (найперш пра стаўленне да беларускай мовы) Лукашэнка прыляцеў на юбілейны саміт СНД, які пройдзе ў Туркменістане. У аэрапорце правіцеля Беларусі сустракалі вялізным банерам з ягоным партрэтам і надпісам па-беларуску «Сардэчна запрашаем!» Каля трапа здарылася характэрная сцэнка, відэа апублікаваў набліжаны да правіцеля тэлеграм-канал. Тут яго сустрэлі дзеці ў нацыянальных строях з пшанічным хлебам. — Вітаем, паважаныя госці! — па-беларуску звярнуліся да Лукашэнкі дзеці. — Здраствуйте! — прагучала ў адказ. Ці варта дзіўляцца, што чалавек, які чацвёрты дзясятак год не хавае свайго падкрэслена грэблівага стаўлення да беларускай мовы, не здолеў, ці не захацеў выціснуць з сябе слова «вітаю»? Пытанне рытарычнае.