Սիրելի՛ հայրենակիցներ, 1991 թվականի սեպտեմբերի 21-ին հայ ժողովուրդը վերահաստատեց ազատ ու անկախ ապրելու իր կամքը՝ հիմք ունենալով մեր նորօրյա պետականության ծննդյան վկայականը՝ Անկախության Հռչակագիրը։ Դարեր շարունակ մեր ժողովրդի կրած զրկանքներն ու զոհաբերությունները մեզ հանգեցրել են հստակ ճշմարտության․ անկախ պետականությունը մեզ համար ինքնանպատակ չէ։ Այն միակ և անփոխարինելի միջոցն է՝ պահպանելու մեր ազգային ինքնությունը և ապահովելու հայ ժողովրդի հարատևությունը։ Մեր նահատակների թափած արյունն ու սերունդների կրած զրկանքներն էությամբ, ոգով և բովանդակությամբ ՀԱՅԿԱԿԱՆ պետություն ունենալու համար էին։ Պետություն, որը չի հրաժարվում իր պատմությունից, իր արմատներից և համազգային իղձերից, այլ դառնում է համայն հայության անվտանգության, արժանապատվության և ստեղծարար ներուժի պաշտպանն ու ջատագովը։ ՀՅԴ Հայաստանի Գերագույն մարմնի ամբողջական հայտարարությունը՝ այստեղ