#ЕвангелиеДня Ами́нь глагóлю вáмъ, не мимои́детъ рóдъ сéй, дóндеже вся́ сiя́ бýдутъ: нéбо и земля́ мимои́детъ, словесá же моя́ не мимои́дутъ. О дни́ же тóмъ и часѣ́ никтóже вѣ́сть, ни áнгели небéснiи, тóкмо Отéцъ мóй еди́нъ: я́коже бо бы́сть во дни́ Нóевы, тáко бýдетъ и пришéствiе Сы́на человѣ́ческаго: я́коже бо бѣ́ху во дни́ прéжде потóпа ядýще и пiю́ще, женя́щеся и посягáюще, до негóже днé вни́де Нóе въ ковчéгъ, и не увѣ́дѣша, дóндеже прiи́де водá и взя́тъ вся́: тáко бýдетъ и пришéствiе Сы́на человѣ́ческаго: тогдá двá бýдета на селѣ́: еди́нъ поéмлется, а другíй оставля́ется: двѣ́ мéлющѣ въ жéрновахъ: еди́на поéмлется, и еди́на оставля́ется. Бди́те ýбо, я́ко не вѣ́сте, въ кíй чáсъ Госпóдь вáшъ прiи́детъ. Сiе́ же вѣ́дите, я́ко а́ще бы вѣ́далъ до́му влады́ка, въ ку́ю стра́жу та́ть прiи́детъ, бдѣ́лъ у́бо бы и не бы́ да́лъ подкопа́ти хра́ма своего́. Сего́ ра́ди и вы́ бу́дите гото́ви: я́ко, въ о́ньже ча́съ не мните́, Сы́нъ Человѣ́ческiй прiи́детъ. Новый Завет, от Марка святое благовествование, глава 24:34-44