#ЕвангелиеДня И вопроси́ еди́нъ от ни́хъ законоучи́тель, искушáя егó и глагóля: учи́телю, кáя зáповѣдь бóлши éсть въ закóнѣ? Иисýсъ же речé емý: возлю́биши Гóспода Бóга твоегó всѣ́мъ сéрдцемъ твои́мъ, и всéю душéю твоéю, и всéю мы́слiю твоéю: сiя́ éсть пéрвая и бóлшая зáповѣдь: вторáя же подóбна éй: возлю́биши и́скренняго твоегó я́ко сáмъ себé: въ сiю́ обою́ зáповѣдiю вéсь закóнъ и прорóцы ви́сятъ. Собрáвшымся же фарисéомъ, вопроси́ и́хъ Иисýсъ, глагóля: чтó вáмъ мни́тся о Христѣ́? чíй éсть Сы́нъ? Глагóлаша емý: Дави́довъ. Глагóла и́мъ: кáко ýбо Дави́дъ Дýхомъ Гóспода егó нарицáетъ, глагóля: речé Госпóдь Гóсподеви моемý: сѣди́ одеснýю менé, дóндеже положý враги́ твоя́ поднóжiе ногáма твои́ма? áще ýбо Дави́дъ нарицáетъ егó Гóспода, кáко Сы́нъ емý éсть? И никтóже можáше отвѣщáти емý словесé: нижé смѣ́яше ктó от тогó днé вопроси́ти егó ктомý. Новый Завет, от Луки святое благовествование, глава 4:16-22