#ЕвангелиеДня И по днéхъ шести́хъ поя́тъ Иисýсъ Петрá и Иáкова и Иоáнна брáта егó, и возведé и́хъ на горý высокý еди́ны, и преобрази́ся предъ ни́ми: и просвѣти́ся лицé егó я́ко сóлнце, ри́зы же егó бы́ша бѣлы́ я́ко свѣ́тъ. И сé, яви́стася и́мъ Моисéй и илiá, съ ни́мъ глагóлюща. Отвѣщáвъ же пéтръ речé ко Иисýсови: Гóсподи, добрó éсть нáмъ здѣ́ бы́ти: áще хóщеши, сотвори́мъ здѣ́ три́ сѣ́ни, тебѣ́ еди́ну, и Моисéови еди́ну, и еди́ну илiи́. Ещé же емý глагóлющу, сé, о́блакъ свѣ́телъ осѣни́ и́хъ: и сé, глáсъ изъ о́блака глагóля: сéй éсть Сы́нъ мóй возлю́бленный, о нéмже благоволи́хъ: тогó послýшайте. И слы́шавше ученицы́ падóша ни́цы и убоя́шася зѣлó. И пристýпль Иисýсъ прикоснýся и́хъ и речé: востáните и не бóйтеся. Новый Завет, от Матфея святое благовествование, глава 17, 1-9