Бүгін «Жыл үздігі» атандым!!! Біздің халық шетел футболынан бөлек, өз футболымызды да көбірек танып, біліп, көріп, оған қызығушылық танытса екен деймін. Қазақ футболын насихаттау, оның тыныс-тіршілігін аудиторияға жеткізу, жанкүйерлердің қызығушылығын арттыру - отандық футболдың дамуына қосылған үлесім деп білемін. Ал футболымызға деген қызығушылық артқан сайын, оның дамуына да серпін берілері сөзсіз. 2026 жылы еңбегімді бағалап, үздіктердің қатарына қосқан Қазақстан футбол федерациясына алғысымды білдіремін! Сынадым, кемшіліктерді ашық айттым. Соған қарамастан, еңбегімді ескеріп, үздік деп тануыңызды жоғары бағалаймын. Бұл - сын мен пікірге түсіністікпен қарап, ортақ мақсат жолында еңбек етіп жүрген жандарды бағалай білудің белгісі. Бүгінгі жетістігім тек менің еңбегімнің нәтижесі емес. Бұл жолда мені қолдаған, оқыған, тыңдаған, пікір білдірген барша оқырманымның үлесі. Жылы лебіздеріңіз де, кейде ауыр сын мен хейт те - мен үшін кері байланыс. Әрқайсыңызға шын жүректен алғыс айтамын!