🎭 Буряад театрай тайзан дээрэ дахинаа «Далайн эрье дээрэ...» гэжэ зүжэг! Сентябриин 20-до Алексей Арбузовай «Хуушан сагай энеэдэнэй зүжэг» гэһэн зүжэгөөр табигдаһан найруулгаяа дахин таанартаа харуулхамнай. Энэ хадаа наһанай, сагай хилэ мэдэхэгүй инаг дуранай түүхэ. 1968 оной долоон һарын эсэс. Ригын тохойдо, амаралтын болон элүүржүүлгын газарта гансаардаһан наһажаал хоёр ушарна: Эрилтэ ехэтэй ахамад эмшэн Родион Николаевич Семёнов, энэ газарай журам хүндэлнэгүй гэжэ эли Лидия Васильевна Жербер. Тэдэнэй түрүүшын уулзалга зүрилдөөгөөр дүүрэнэ, байн харилсаануудайнь удха хубилжа эхилнэ. Театрай залуу зүжэгшэдэй гүйсэдхэһэн хүгжэм, хатар гол дүрэнүүдэй мэдэрэлэй толи боложо, дуран гээшэ ямаршье наһанда бадаржа болохо гэжэ харуулна. Оросой Холбооной арадай зүжэгшэн Лариса Егорова болон Буряад Уласай арадай зүжэгшэн Баста Цыденов хоёр дахинаа инаг дуран гээшэ сагһаа, наһанһаа гадуур мэдэрэл гэһэн түүхэ тайзан дээрэһээ хөөрэхэ. «Далайн эрье дээрэ...» – юрын зүжэг бэшэ, дурлаха, инаглаха гээшэ хэзээдэшье оройтохо гэжэ байдаггүй гэжэ һануулха дуранай магтаал болоно. 🎟️ Таһалбаринууд театрай burdram.ru буудалда, мүн таһалбаринуудые худалдадаг газарта 📍 Пушкинай карта хүсэндөө Наһанай хизаарлалта: 12-һоо доошо. 📱 Буряад театр в MAX