Кыргызстан өрөспүүбүлүкэтэ - 7,5 мөлүйүөн кэриҥэ нэһилиэнньэлээх. Оттон столицата Бишкек куоракка 1 мөл.370 тыһ.кэриҥэ киһи олорор. Билигин 20 кыраадыс сылаас күн-дьыл турар. Кэнники 5 сылга Бишкек куорат лаппа сайдан эрэрин, элбэх тутуу барарын олохтоохтор астына, киэн тутта кэпсииллэр. Киин уулуссаларга суол кытыытынан велодорожкалар баалларын сэҥээрэ көрдүм. Олохтоох нэһилиэнньэ, ыччат бэркэ нууччалыы быһаарсар, кэпсэтэр эбитин бэлиэтии көрөҕүн. Таҥас-сап, ас сыаната аһара чэпчэкитэ суох эбит. Эт сыаната син биир биһиэниттэн итэҕэһэ суох ыарахан- киилэтэ 1200 солк.кэриҥэ. Валюталара - сом. Хата биһиги харчыбытын кытта тэҥҥэ ааҕыллар буолан киһи ыарырҕаппат. Ол курдук, 250 сом - 250 солк.курдук ааҕыллар. Аатырар "Дордой" ырыынактарыгар сырыттым. Ол туһунан матырыйаалы уонна видеоҕа устууну "Кыым" хаһыакка ааҕан билиэххит.