Ытыктабыллаах оҕо уһуйаанын иитээччилэрэ, үлэһиттэрэ, бэтээрээннэрэ! Эһигини идэлээх бырааһынньыккытынан - Оҕо уһуйаанын иитээччилэрин уонна бары үлэһиттэрин күнүнэн - ис сүрэхпиттэн итиитик-истиҥник эҕэрдэлиибин! Эһиги – кэлэр кэм кэскиллэрин, биһиги оҕолорбут, кыра саастарыттан дьоллоох олоҕу олороллорун, үөрэнэн-биирэн улааталларын туһугар күннэтэ үлэлиир дьоһун дьоннут. Эһиги сылааскыт, тапталгыт, тулуургут уонна сыралаах үлэҕит суоҕа буоллар, оҕолорбут бастакы үктэллэрэ олус ыарахан буолуо этэ. Бука барыгытыгар чэгиэн доруобуйаны, дьолу-соргуну, үлэҕитигэр ситиһиилэри, дьиэ кэргэҥҥитигэр эйэни-дэми баҕарабын! Оҕо күлүүтэ-саҥата эһигини өрүү аргыстастын, үлэҕит түмүгэ эһиэхэ үөрүүнү эрэ аҕаллын! Барҕа махтал эһиэхэ, ытыктабыллаах иитээччилэр!