📨 🇪🇺 Кампенсацыі пацярпелым ад палітычных рэпрэсій у Беларусі - за кошт актываў рэжыму Лукашэнкі Беларуская Дыяспара ў Аўстрыі падтрымлівае ініцыятыву па кампенсацыі шкоды ад палітычных рэпрэсій у Беларусі за кошт актываў рэжыму Лукашэнкі. 9 кастрычніка 2026 г. мы накіравалі дэпутатам Еўрапарламента зварот з просьбай падтрымаць уключэнне тэмы «Палітычна матываваныя канфіскацыі маёмасці ў Беларусі і Расіі» ў парадак дня пленарнай сесіі 19–22 кастрычніка 2026 года. Прыняцце адпаведнай рэзалюцыі магло б стаць крокам да распрацоўкі механізмаў кампенсацыі пацярпелым. Канфіскуючы маёмасць беларусаў, якія былі вымушаныя пакінуць краіну праз палітычны пераслед, рэжым працягвае рэпрэсіі нават у эміграцыі. Людзі і іх сем’і страчваюць жыллё, маёмасць і сродкі да існавання. Кампенсацыі дапамаглі б пацярпелым аднавіць фінансавую самастойнасць і ўсклалі б матэрыяльную адказнасць на вінаватых. Гэта адпавядае і інтарэсам краін ЕС, якія даюць пацярпелым прытулак і падтрымку. Шкоду павінен кампенсаваць той, хто яе прычыніў. #DemandForJustice #Belarus #PoliticalRepressionRedress Падрабязней на нашым сайце (DE | БЕЛ): https://belarus-diaspora.at/all-categories-de/news/politicalrepressionredress