🏰 Сёння 70 год як быў адкрыты Музей абароны Брэсцкай крэпасці. З 1954 года тэмай абароны Цытадэлі над Бугам зацікавіўся пісьменнік Сяргей Смірноў. Да гераічнай тэмы абароны Брэсцкай крэпасці звярнуліся мастакі, пісьменнікі, паэты і кінарэжысёры. У 1954 годзе на першым паверсе Паўночна-ўсходняй абарончай казармы Цытадэлі вайскоўцамі 128-га стралковага корпуса была адкрыта Зала баявой славы, а 23 лютага 1956 года — Зала-музей. У экспазіцыі трох залаў былі прадстаўлены 15 экспанатаў і фатаграфій, атрыманыя з Брэсцкага абласнога краязнаўчага музея, Дома афіцэраў і Цэнтральнага музея Савецкай Арміі ў Маскве. А ўжо 8 лістапада 1956-га адкрыты музей. За гады існавання музей наведала каля 25 мільёнаў чалавек. У 10 залах музея прадстаўлена каля 4 тысяч экспанатаў.