📚 Сёння адзначае 69-годдзе беларускі пісьменнік і ўраджэнец Брэстчыны Анатоль Брытун. Нарадзіўся 7 лістапада 1957 года ў вёсцы Баранцы 🪷 Жабінкаўскага раёна. Скончыў Пінскі гідрамеліяратыўны тэхнікум (1977), пасля чаго працаваў у праектным інстытуце ў Пскове. Атрымаў вышэйшую адукацыю ў Горацкай сельскагаспадарчай акадэміі і Брэсцкім дзяржаўным педагагічным інстытуце. Працаваў інжынерам-гідратэхнікам, гідам-перакладчыкам, а пасля распаду СССР — у Брэсцкай мытні. Актыўна займацца літаратурнай творчасцю пачаў у 2007 годзе. Яго апавяданні друкаваліся ў часопісах «Полымя», «Маладосць», «Бярозка» і іншых выданнях. Асноўнае месца ў творчасці пісьменніка займаюць гісторыя Беларусі, жыццё Палесся, народныя паданні і мінулае Белавежскай пушчы. Аўтар рамана «Пах мускусу» (2012), аповесці «Сяліба» (2015) і кнігі «Трылогія прыгод тысячагоддзя» (2019). У 2014 годзе стаў лаўрэатам літаратурнай прэміі імя Уладзіміра Калесніка ў намінацыі «Проза», а ў 2023 годзе — лаўрэатам конкурсу «Духоўная веліч» у намінацыі «Літаратура для дзяцей і юнацтва». З 2021 года знаходзіцца на пенсіі, жыве ў Брэсце і працягвае літаратурную дзейнасць.