🇵🇱 6 лістапада 1890 года ў маёнтку Калдычава (сёння вёска ў 🦬 Баранавіцкім раёне Брэсцкай вобласці) нарадзіўся польскі палітык і пасол сойма міжваеннай Польшчы IV склікання Томаш Вітольд Шалевіч. Нарадзіўся ў шляхецкай сям’і. Атрымаў адукацыю на земляробчым факультэце Ягелонскага ўніверсітэта ў Кракаве. У 1918–1920 гадах ваяваў у 1-м палку ўлан Крахавецкіх ў часе савецка-польскай вайны. Пасля заканчэння вайны з бальшавікамі вярнуўся на радзіму, дзе стварыў Земляробчае таварыства і аб’яднанне землеўласнікаў Баранавіцкага павета, а таксама займаўся кааперацыйнай дзейнасцю. Быў членам Гміннага савета ў Гродне і ўзначальваў Рэвізійную камісію Баранавіцкага павета. У 1935 годзе абраны паслом Сойма Польскай Рэспублікі ад Баранавіцкай акругі. Памёр у эміграцыі ў Лондане 24 снежня 1961 года.