🗡🦊 5 лістапада 1652 года ў мястэчку 🏯 Косава (сёння 🌿 Івацэвіцкі раён Брэсцкай вобласці) нарадзіўся вялікалітоўскі дзяржаўны дзеяч і брэсцкі ваявода Уладзіслаў Юзафат Сапега. Паходзіць з кодзенскай лініі магнацкага роду Сапегаў герба «Ліс», сын Крыштафа Францішка Сапегі і Алены з роду Саламярэцкіх. Меў двух братоў: Станіслава Казіміра і Андрэя Францішка. Атрымаў адукацыю ў езуіцкіх калегіумах Любліна і Брунсберга (Бранева), а таксама ва універсітэтах Прагі і Вены. Браў удзел у вайне 1673–1674 гадоў супраць туркаў, удзельнічаючы ў Хоцінскай бітве і ўкраінскай кампаніі 1674 года пад кіраўніцтвам Міхала Казіміра Паца. Неаднаразова выбіраўся паслом на соймы, быў дэпутатам Галоўнага Трыбунала. У часе Паўночнай вайны (1700–1721) падтрымліваў ідэю саюзу з Расіяй. Памёр 13 сакавіка 1733 года.