🦢Усе яго суродзічы ўжо паляцелі ў вырай, а ён застаўся. У Бабруйску заўважылі самотнага бусла, які так і не адправіўся на поўдзень перад надыходам халадоў. Лёс птушкі занепакоіў мясцовых жыхароў. Яны баяцца, што з надыходам маразоў бусел можа не выжыць. Як паведамляе BOBR. BY, сітуацыю ўжо ўзяла пад кантроль прыродаахоўная інспекцыя. Бусла плануюць злавіць і перавезці ў Асіповіцкі раён. Куды менавіта — пакуль невядома. BGmedia раней тлумачыла, што ў такой сітуацыі можна звярнуцца ў мясцовую інспекцыю прыродных рэсурсаў і аховы навакольнага асяроддзя. У выпадку з бабруйскім буслом жыхары могуць звязацца з Бабруйскай гарадской і раённай інспекцыяй.