👍Сёння сваё 80-годдзе святкуе беларуская лінгвістка, мовазнаўца і ўраджэнка 🏹 Брэста Ніна Мячкоўская. Нарадзілася 29 кастрычніка 1946 года ў горадзе над Бугам. Скончыла Брэсцкую сярэднюю школу № 2 з залатым медалём, а ў 1968 годзе — філалагічны факультэт Беларускага дзяржаўнага ўніверсітэта. З 1971 года працуе на філалагічным факультэце БДУ — на кафедры тэарэтычнага і славянскага мовазнаўства. Доктарка філалагічных навук (1986), прафесарка (з 1987). Стажыравалася ў Маскоўскім дзяржаўным універсітэце, Рурскім універсітэце ў Бохуме (па гранце DAAD), выкладала ў Любляне, Ене і Бохуме, а таксама кансультавала Амерыканскую асацыяцыю выкладчыкаў рускай мовы ў Вашынгтоне. Яе навуковыя інтарэсы — тэорыя камунікацыі, семіётыка, сацыяльная тыпалогія моў і гісторыя філалогіі. Пад кіраўніцтвам Ніны Мячкоўскай абаронена больш за тры дзясяткі кандыдацкіх і адна доктарская дысертацыя. Віншуем прафесарку з юбілеем і жадаем здароўя, навуковага натхнення і цікаўных вучняў! На фота чытацкі білет Брытанскага музея.