❤️ Баранавіцкая пракуратура прымусіла Ozon зняць з продажу вокладкі для дакументаў з «Пагоняй». Баранавіцкая міжраённая пракуратура запатрабавала ад расійскага маркетплейса Ozon спыніць продаж вокладак для дакументаў з выявай герба «Пагоня». Маркетплейс ужо выканаў патрабаванне, і цяпер набыць такія вокладкі ў Беларусі немагчыма, заўважыла «Еўрарадыё». У пракуратуры палічылі, што продаж такой прадукцыі моладзі можа негатыўна паўплываць «на грамадзянскае і патрыятычнае выхаванне». Нагадаем, што бел-чырвона-белы сцяг і герб «Пагоня» былі дзяржаўнымі сімваламі Беларусі ў 1991–1995 гадах. Яны не забароненыя заканадаўствам, а «Пагоня» нават уключаная ў Дзяржаўны спіс гісторыка-культурных каштоўнасцяў. Аднак на практыцы за выкарыстанне гэтых сімвалаў у Беларусі пераследуюць.