✝️☦️ 16 кастрычніка 1596 года ў 🏹Брэсце з дазволу караля польскага і вялікага князя літоўскага Жыгімонта Вазы пачаўся царкоўны Сабор, які абвясціў царкоўную унію Кіеўскай мітраполіі з Рыма-Каталіцкім Касцёлам. На тэрыторыі Рэчы Паспалітай у канцы XVI стагоддзя была створана Уніяцкая царква. Брэсцкая унія арганізацыйна аб’яднала частку праваслаўнай царквы з Каталіцкай, захаваўшы ўсходнія абрады і традыцыі, але прызнаўшы вярхоўную ўладу Папы Рымскага. Кіеўская мітраполія афіцыйна абвясціла пра аднаўленне сваёй поўнай сулучнасці з Рымскім апостальскім Прастолам. Сабор, на якім была заключаная ўнія, адбыўся ў кафедральнай царкве святога Мікалая ў Брэсце. У сярэдзіне XIX стагоддзя будынак храма быў разабраны падчас будаўніцтва 🏰 Брэсцкай крэпасці — ад яго нічога не захавалася. У 1839 годзе Брэсцкая унія была ліквідавана на Полацкім царкоўным саборы. Грэка-каталіцкая традыцыя захавалася, але ўжо без дзяржаўнай падтрымкі і часта падвяргалася пераследу.