🏫 2 кастрычніка 1922 года ў 🐍Пружанах (сёння Брэсцкая вобласць) былі ўкамплектаваныя тры класы (4, 5, 6) і настаўніцкі калектыў Дзяржаўнай вышэйшай гімназіі імя ✒️ А. Міцкевіча. Усё гэта адбывалася ў часе, калі Заходняя Беларусь была часткай міжваеннай Польшчы. На той час гэта была першая навучальная ўстанова сярэдняй адукацыі ў Пружанах. Урачыстае адкрыццё гімназіі адбылося 3 кастрычніка 1922 года. Спачатку гімназія мела матэматычна-прыродазнаўчы профіль, потым гуманітарны; былі, між іншым, скаўцкая арганізацыя і школьны духавы аркестр. Будынак гімназіі захаваўся нават пасля вайны. У будынку спачатку была Першая беларуская сярэдняя школа, пазней перайменаваная ў сярэднюю школу № 1. На пачатку 1990-х гадоў падчас узвядзення новага Палацу культуры будынак быў зруйнаваны.