🇷🇺🔫 26 верасня 1655 года маскоўскае войска разам з казакамі спаліла 🏹 Пінск і забіла ягоных жыхароў. Усё адбылося ў часе вайны Маскоўскай дзяржавы з Рэччу Паспалітай 1654—1667 гадоў. На пачатак году галоўныя маскоўскія сілы былі накіраваны на Вялікае Княства Літоўскае. Мэтай кампаніі стаў захоп астатняй тэрыторыі дзяржавы: Вільні, Старога Быхава, Слуцку, Берасця. У верасьні з Кіева на лодках выйшаў у паход аддзел маскоўскіх войскаў на чале з князем Валконскім. 15 верасьня захапіў Тураў, 20 верасня спаліў Столін, а потым 26-га — Пінск. Паводле скаргі ацалелых пінчукоў, перад падпалам места захопнікі «па-тыранску, па-разбойніцку як мужчынаў, так і самых кабет, і дзетак немалую колькасьць рознымі нечуванымі мукамі мучылі і на сьмерць пазабівалі… усе скарбы, гатовыя сумы, розныя тавары, золата, срэбра, волава, медзь, званы касьцельныя і царкоўныя, рознае збожжа і ўсе хатнія набыткі дашчэнту выбраўшы, да байдаў і чаўноў панасілі і павазілі».