🪦Памёр беларускі бард і пісьменнік з Брэстчыны Анатоль Кудласевіч. 65-гадовы творца актыўна ўдзельнічаў у падзеях 2020 года і зазнаў пераслед. У суботу, 19 верасня, памёр беларускі літаратар і бард Анатоль Кудласевіч. Два тыдні таму яму споўнілася 65 гадоў. Кудласевіч нарадзіўся 5 верасня 1961 года ў вёсцы Таўмачаў 🐦Столінскага раёна Брэсцкай вобласці. Спачатку атрымаў адукацыю ветэрынара, а пазней звязаў сваё жыццё з літаратурай і скончыў Літаратурны інстытут імя Максіма Горкага ў Маскве. Ён працаваў на Беларускім тэлебачанні і радыё, займаўся літаратурнымі і культурнымі праграмамі. Кудласевіч — аўтар некалькіх паэтычных і празаічных кніг, пісаў песні і выступаў як бард. Таксама складаў літаратурныя анталогіі, у тым ліку беларускіх эпітафій і пародый. У жніўні 2020 года Анатоля Кудласевіча арыштавалі на 10 сутак за ўдзел у акцыі пратэсту. У 2021 годзе ў ягонай кватэры двойчы праводзілі ператрусы. Першы з іх звязвалі са справай Аўтуховіча, а падчас другога супрацоўнікі ГУБАЗіК разграмілі жытло літаратара.