🪶20 верасня 1943 года ў сялянскай сям’і ў вёсцы Нівы (сёння 🌳 Бярозаўскі раён Брэсцкай вобласці) нарадзілася паэтка Ніна Мацяш. Скончыла Бярозаўскую сярэднюю школу ў 1960 годзе і паступіла на факультэт французскай мовы Мінскага дзяржаўнага педагагічнага інстытута замежных моў, які завяршыла ў 1966 годзе пасля акадэмічнага адпачынку. У 1973—1977 гадах выкладала нямецкую мову ў Белаазёрскай прафесійна-тэхнічнай навучальні. З 1971 года была членам Саюза пісьменнікаў СССР. Дэбютавала ў 1962 годзе вершамі ў газетах «Маяк камунізму» і «Во славу Родины». Аўтар зборнікаў паэзіі, у тым ліку «Агонь» (1970), «Удзячнасць» (1973), «Прыручэнне вясны» (1979), «Поўны келіх» (1982), а таксама казак і п’ес. Стварала тэлесцэнарыі пра творчасць В. Бялыніцкага-Бірулі («Пясняр роднай прыроды», 1978) і Р. Кента («Гэта я, госпадзі», 1980). Перакладала з нямецкай, французскай, польскай і іншых моў. Сярод яе перакладаў – творы Ж. Сіменона («Першая справа Мегрэ», 1982), А. дэ Сент-Экзюперы («Маленькі прынц», 1989), а таксама вершы Віславы Шымборскай. Памерла 19 снежня 2008 года ў ⚡ Белаазёрску (Бярозоўскі раён). А ты жыві, каханы мой, жыві. Хай сэрцу будзе да каго хіліцца, Хай жураўлём абернецца сініца. Сваю шчаслівай долю назаві. Хай светла збудзецца, што светла сніцца, Жыві, каханы мой, жыві!