❤️🔥 13 верасня 2020 года ў 🏹 Брэсце ў межах пратэстаў пасля выбараў маніфэстанты вадзілі карагоды і спявалі песні пад бчб-сцягамі на скрыжаванні праспекта Машэрава і бульвара Касманаўтаў. Акцыя была разагнаная з дапамогай вадамёта і сілавікоў. Адказам уладаў на мірныя дзеянні пратэстоўцаў на скрыжаванні Машэрава і Касманаўтаў сталі непрадказальныя і неадэкватныя рэпрэсіі. У 2020-2024 гадах за ўдзел у гэтай акцыі было асуджана больш за сотню жыхароў Брэста. За песні і танцы людзі атрымалі і працягваюць атрымліваць рэальныя тэрміны зняволення.