📎12 верасня 1730 года ў мястэчку 🏰 Высокае (сёння 🏰 Камянецкі раён Брэсцкай вобласці) нарадзіўся ваявода полацкі, гетман польны і канцлер ВКЛ Аляксандр Міхал Сапега. Вучыўся ў езуіцкім калегіуме ў Любартаве. 3 1746 года неаднаразова выбіраўся ў сойм. Таемна падтрымліваў Барскую канфедэрацыю, хоць быў лаяльным да караля Станіслава Аўгуста Панятоўскага і расійскай улады. Непрыхільна сустрэў Канстытуцыю 3 мая 1791 года. У 1792 годзе па прапанове караля далучыўся да Таргавіцкай канфедэрацыі і быў абраны яе маршалкам у ВКЛ, пасля чаго засядаў з кіраўніцтвам канфедэрацыі ў Гродне. Збіраў кнігі, рукапісы. Валодаў Высокім, Друяй, Зэльвай, Старым і Новым Быхавам, Дзярэчынам, Луннам і інш. Ён утрымліваў прыдворны тэатр у Ружанах (сёння Пружанскі раён Брэсцкай вобласці). Ён заснаваў найбуйнейшую ў Рэчы Паспалітай музычную, оперную і балетную школу, дзе навучаліся дзеці прыгонных сялян. Памёр 28 траўня 1793 года